welcome to the jungle

nach Galapagos sind mer in Jungle - i d Sacha lodge. Nach ärä schöne fahrt über dä Rio Napo sind mer äs paar Minute gwanderet und nachher no mit ä Kanu über dä "Hussee" bracht worde. Was üs det erwarted hät sprängt fascht dä Rahme. Luxus im Tschungel. Aber doch schön integriert, jungi Caymane wo under äm ässahl sunnebad nämed, Tarantle wo i dä ahlag jaged, än brackwassersee mit unzählige Piranias und ärä 5 Meter Cayman Dame - won i aber doch jede Tag mis Bad gnoh han. Än dütschsprachige Guide und än iheimische Medizinmah nur für üs und üsi Toure. Immer vil z vil und sehr feins ässe, wehnig gäscht, rueh... Äs riesigs Metalgstell mit 2 Hängebrugge - zmitzt im Jungle und perfekt zum Vögel beobachte... Zuägäh so "zahm" und zahlrich wiä uf Galapagos sind d Tier natürlich nid gsi und leider händ mer au kei Anaconda gseh - aber s isch eifach nur super schön gsi. Chans also nur empfehle...

no meh tier uf galapagos

Galapagos Penguin

schildis uf santa cruz

in santa cruz sind mer uf ärä privatä farm goh risäschildis ahguggä und nachher no i d darwin station goh d ufzucht vom nachwuchs sowiä dä lonesome george ahguggä...

galapagos inslä part 2.5 ;-)

alli hassed dä mäntig

just for fun, han i no paar galapagos föteli zum aktuellä thema gfundä ;-)

Schneeschuhwanderä zum 2.

Wieder perfekt organisiärt vom "Leitlemming" Roberto händ mer üs dasmal uf dä Rossstock uf 2461 Meter über Meer begäh. Dä Petrus isch üs unglaublich guät gstimmt gsi und so isch's widär mal äs Erläbnis gsi. Bi so Täg chönt sogar ich mich ah Winter gwöhnä ;-)