Guayaquil

In Guayaquil chunnt üseri wundervolli Ecuador Rundreis zumä würdige Endi - tusig dank ah üse "Reiseführer", Gastgeber und Mitorganisator Michi.

welcome to the jungle

nach Galapagos sind mer in Jungle - i d Sacha lodge. Nach ärä schöne fahrt über dä Rio Napo sind mer äs paar Minute gwanderet und nachher no mit ä Kanu über dä "Hussee" bracht worde. Was üs det erwarted hät sprängt fascht dä Rahme. Luxus im Tschungel. Aber doch schön integriert, jungi Caymane wo under äm ässahl sunnebad nämed, Tarantle wo i dä ahlag jaged, än brackwassersee mit unzählige Piranias und ärä 5 Meter Cayman Dame - won i aber doch jede Tag mis Bad gnoh han. Än dütschsprachige Guide und än iheimische Medizinmah nur für üs und üsi Toure. Immer vil z vil und sehr feins ässe, wehnig gäscht, rueh... Äs riesigs Metalgstell mit 2 Hängebrugge - zmitzt im Jungle und perfekt zum Vögel beobachte... Zuägäh so "zahm" und zahlrich wiä uf Galapagos sind d Tier natürlich nid gsi und leider händ mer au kei Anaconda gseh - aber s isch eifach nur super schön gsi. Chans also nur empfehle...

schildis uf santa cruz

in santa cruz sind mer uf ärä privatä farm goh risäschildis ahguggä und nachher no i d darwin station goh d ufzucht vom nachwuchs sowiä dä lonesome george ahguggä...

alli hassed dä mäntig

just for fun, han i no paar galapagos föteli zum aktuellä thema gfundä ;-)

galapagos inslä part 1

eifach unbeschrieblich schön.... sowas mus mer eifach gseh ha, wünsch eui so vil spass mit dä föteli wiän ich gha han bim schüssä...

riobamba

Cools chlises Städtli mit ärä wunderschönä Ussicht uf dä Vulkan Chimborazo, über d Dekoration vo dä Jesus Statuä loht sich minermeinig nach numol diskutiärä ;-)

dä cotopaxi und dä cotopaxi national park

zum 2tä, wil eimal eifach nid gnuäg isch und wil s wätter dasmal no meh hermacht sind mer spontan numol in cotopaxi national park gangä zum dä schönschti berg vo ecuador ahguggä....