teschtä vo mirä neuiä canon g10

ich han mer vor ämä zitli mal d panadonic lx3 kauft, leider han i müssä feschtstellä das genau für das modäl keis tauchghüs baut werdä wird :-( däbi wär ich suscht durchus sehr z fridä mit dä cam. drum han i mer mal no ä g10 vo canon mit allem zuäbehör gönnt... da mal äs paar erschti schnappschüss ;-) gseht nid übel us, freui mi uf erschti versüäch underwasser...

nordfäscht

grad näbet mim arbeitsort händs letschthin s nordfäscht gfiret. das händ mer üs natürli nid chönä entgoh loh und so händ mer gässä, trunkä, gschossä, gfürlet, oder eifach 2 schöni summeröbig gfiret...

Lake McKenzie

Definitiv einä vo dä schönschtä Ort won i i mim Läbä scho han dörfä gseh! Dä Strand isch so wiss wil er us purem Quarz bestoht, das quietscht au wunderbar wänn mer drüber lauft ;-) S Wasser hät än basischä Ph-Wert, somit chan mer sini Haar wäschä und s wirkt wiä ä Pflägespüälig. Ganz allgemein fühlt sich s Wasser toll ah zum Schwimmä. Und bi däm Panorama, blibä und äs Hüsli bauä ;-)

Laughing Kookaburra

Äs isch scho immer min Wunsch gsi mal än Kingfish oder uf Dütsch än Isvogel z fötelä. Dä Laughing Kookaburra ghört zwar zur Familiä vo dä Isvögel isch aber leider nid dä Common Kingfisher won i mer vorgstellt han. Trotzdem än wunderschönä Vogel wo Spass gmacht hät z beobachtä und z Fötelä...

S.S. Maheno

... oder dä meischt fotografierti hufä Roscht uf därä Erdä ;-)

Uf Fraser Island, am 75-Mile-Beach (übrigens än Strand wo au als offiziellä Highway dient - sprich Strassäverkehrsreglä, ihtreit uf äm Strassäatlas und alles...) lit s Frack vo dä S.S. Maheno. Baut 1905 (in Schottland) und orginal als Luxusliniäschiff zwüsched Neu Seeland und Tasmaniä ihgsetzt isch sie im 1. Wältchriäg als Spitalschiff für d Royal Navy ihgsetzt wordä. Nachher isch sie numol als Luxusliner ihgsetzt wordä, bevor sie im 1935 nach Japan het söllä überfüärt werdä. Während därä Überfüärig isch sie allerdings in Seenot gratä und uf Fraser gstrandet. Sit det zersetzts sie sich langsam aber sicher...

Jungi Äntli und so

Eifach mal widär chli goh Spaziärä und fötelä...

Frösch erbütet mit mim altä occasion Macro

Mis Solingor 105mm 3.5 Macro mit 1:1 Adapter isch als Occasion für 50 Frankä eigentli angesichts vo dänä Fotos doch definitiv no än guätä Chauf gsi :-)

budapest @ night

s Stativ isch also definitiv äs muss für jedä Budapescht tripp ;-)

parlamentsgebäude - országház

eifach wunderschön das parlamäntsgebäude diräkt ar donau. erinneret meh anäs märlischloss dänn anes regiärigsgebäude. hät mich so gfesslet das ich über 150 foto's dävo gmacht han, da ä chlises best off:









Das Parlamentsgebäude (ungarisch: Országház; wörtlich: Landeshaus), ist Sitz des ungarischen Parlaments in Budapest. Das 268 Meter lange Gebäude, direkt am Donauufer gelegen, ist eines der Wahrzeichen Budapests und eines der größten Gebäude der Welt. Als Vorbild diente der Palace of Westminster, Sitz des britischen Parlaments in London.

Quelle: de.wikipedia.org/wiki/Parlamentsgeb%C3%A4ude_(Budapest)